15 fevral 2013-cü il tarixində Azərbaycan Turizm İnstitutu Elmi Şurasının iclası keçirilmişdir. ATİ-nin rektoru, tarix elmləri doktoru, professor Cəfər Cəfərovun sədrliyi ilə keçirilmiş iclasda  7 il əvvəl yaradılmış ali təhsil ocağının az bir zaman kəsiyində ilklərə imza atması konkret faktlarla isbatlanmışdır. Rektor C.Cəfərov yüksək ixtisaslı kadr hazırlığının günün tələbi olduğunu Elmi Şura üzvlərinin nəzərinə çatdırmışdır. Təhsilli, geniş dünyagörüşlü gənclərin yetişib- formalaşmasında ali məktəblərin xüsusi rol oynadığına münasibət bildirən rektor dövlət başçısının proqram göstərişlərində bu amilin ana xətt olduğunu diqqətə çatdırmışdır.

Fevralın 26-da Azərbaycan Turizm İnstitutunda Xocalı faciəsinin 21-ci ildönümü böyük hüznlə anılmışdır. ATİ-də ilk dərslər Qarabağ tarixi, ötən əsrdə ermənilərin dəfələrlə yurdumuzda törətdikləri vəhşiliklər və Ermənistan-Azərbaycan münaqişəsini şərtləndirən səbəblərə həsr olunmuşdur. Tələbələr 1992-ci il fevralın 25-dən 26-a keçən gecə erməni hərbi birləşmələri,